பறக்கும் விக்ரம்; பரவச டிரைலர்

'எழுதி வைத்துக்கொள்ளுங்கள்,கந்தசாமி வரலாறு படைக்கப்போகிறான்' படத்தின் பாடல் வெளியீட்டு விழாவிற்காக நடத்தப்பட்ட பிரஸ்மீட்டில்தான் இப்படி சத்தியம் செய்தார் தயாரிப்பாளர் கலைப்புலி தானு.

எல்லா சினிமா பங்க்ஷனிலும் இப்படி சொல்வது வழக்கம்தானே என அசால்டாக இருக்கமுடியவில்லை. காரணம் கந்தசாமி டிரைலர். 'எத்தனை நாள் ஏக்கம்... இப்படியொரு ஹீரோவுக்காக' என்ற வாசகங்களின் பின்னணியில் ஸ்பைடர் மேன் ரேஞ்சுக்கு விக்ரம் திரையில் பாய்வதை பார்த்தபோது யேய் யப்பா... என பிரமித்துப்போனோம்.

"வரும் 14-ம் தேதி பாடல் வெளியீட்டு விழாவை பிரம்மாண்ட திருவிழாபோல் நடத்தப்போகிறோம். படத்தில் நடனமாடியுள்ள இத்தாலி கலைஞர்களே ஆடியோ விழா மேடையிலும் நேரடியாக நடனமாடப்போகிறார்கள். படத்தின் தொடக்கவிழாவின்போது, இரண்டு கிராமங்களை தத்தெடுக்கப்போவதாக அறிவித்தோம். அந்த திட்டம் இப்போது 30 கிராமமாக உயர்ந்துள்ளது. பாடல் வெளியீட்டு விழாவில் தத்தெடுக்கப்படவுள்ள கிராமத்தை தேர்வு செய்யும் நிகழ்ச்சியும் நடக்கும்.

இன்னியோடு சூட்டிங் முடிந்துவிட்டது. படம் வெளிவந்த பிறகு விக்ரம் சூப்பர் ஹீரோவாக நம்பர் ஒன் இடத்தில் இருப்பார், அதேபோல கேமிராமேன் ஏகாம்பரம், இசையமைப்பாளர் தேவிஸ்ரீபிரசாத் ஆகிய டெக்னீசியன்களும் நம்பர் ஒன் இடத்தில் இருப்பார்கள். அப்படியொரு உழைப்பையும் தரத்தையும் கந்தசாமியில் கொடுத்துள்ளோம். தயாரிப்பாளராகதானுவுக்கு இது வெள்ளிவிழா ஆண்டு. வெள்ளிவிழா ஆண்டில் மெகா வெற்றி படத்தை தரப்போகிறேன் என்ற சந்தோஷம் எனக்குள் இருக்கு" என இயக்குனர் சுசி சொன்ன வார்த்தைகள் அனைத்தையும் நம்புவதை தவிர வேறுவழி. அப்படியொரு டிரைலர் கட்டிங்கை நான்குவிதமாக பார்க்கமுடிந்தது.

பாடலாசிரியர் விவேகா பேசும்போது, "இவ்வளவு பெரிய படத்தில் அனைத்து பாடல்களையும் எழுதும் வாய்ப்பை கொடுத்த இயக்குனருக்கு நன்றி கூறுகிறேன். சுசியை திருப்திபடுத்துவது அவ்வளவு சுலபமல்ல என்றார்கள் அது உண்மைதான்" என உட்கார நினைத்த விவேகாவை மீண்டும் மைக்முன் நிறுத்திய சுசிகணேசன், "இந்த படத்துல ஒரு பாடலையும் விவேகா பாடியுள்ளார்" என்ற தகவலை சொன்னார்.

அடுத்து பேச வந்தவர்களும் சுசியை திருப்திபடுத்துவது சுலபமல்ல என்பதையே சொல்ல, மைக்கை பிடித்த இசையமைப்பாளர் தேவிஸ்ரீபிரசாத், "எல்லா படத்துக்கும் ஒரு கேப்ஷன் கொடுப்பதைபோல இந்தப் படத்தின் தலைப்புக்கு கீழும் 'சுசியை திருப்திபடுத்துவது சுலபமல்ல' என்ற கேப்ஷன் போடலாம்" என கமெண்ட் அடிக்க, பிரஸ்காரர்களே கைதட்டி ரசித்தனர்.

"எங்களையெல்லாம் ரொம்பவே வாட்டியெடு்ததுட்டாரு சுசி. ஆனா இப்போ டிரைலரை பார்க்கும்போது என்னை நானே ஆச்சர்யமாக பார்க்கிறேன். அந்த அளவுக்கு சுசிகணேசனின் உழைப்பும் திறமையும் இருக்கிறது. பேசாம 'கந்தசாமி' என்பதற்கு பதில் 'சுசிசாமி' என்றுகூட பெயர் வைக்கலாம்" என்றார் விக்ரம்.